на Кристијан Јордановски-Маднез
Како да се судоку, решавам равенки зборовни,
на ритамски абакус пребројувам слогови:
технички предизвици сега си давам,
зашто здодевна е чувственоста
што само баналност нуди.
Мислата скусена
многу збори -
стамен
камен
што говори
мантра избрусена.
Стиховни маневри луди:
умешност ја уби девственоста,
вештината на пиедестал ја ставам -
макар морал и да изминам трња глогови,
макар и кожа ми распарале грмушки коровни.
No comments:
Post a Comment